Филиал тэриллэр
Мукучуга “Илии сылааһа” диэн республикатааҕы общественнай иистэнэр сыах (сал. Саввина И. Е.) филиалын олохтоох администрация (Левин Н. И.) тэрийэ сылдьар, ол курдук байыаннай дьайыыга кылааттарын киллэрэр волонтердарга усулуобуйа оҥорор: хос биэрдэ, устуул, остуол булла, волонтер-таксистары кытта кэпсэттэ, анал иистэнэр малларын атыыласта, куораттан сыахтан матырыйааллары ылан ыытта, аҕалла. Мукучубут волонтердара Афанасьева П. Е., Прокопьева В. Н. сыахха тиийэннэр күһүҥҥү таҥаһы тигэргэ маастар кылааска үөрэннилэр. “Мукучу баһылыга бэйэтинэн кэлэн таҥас тиктэрээри материал ылан барда. Кыргыттар кэлэн иистэнэн бардылар. Улахан махтал. ✊🏻✊🏻✊🏻”, - диэн сыах волонтердара санааларын үллэстэллэр.
Ити курдук, мукучубут волонтердара үлэ түбүгэр сылдьаллар.
Ия Николаевна ИМ, Россия суруналыыстарын сойууһун чилиэнэ, филиал анал сырдатааччыта.
Хаартыскалар
https://drive.google.com/drive/folders/1rF5Moz_mO_UflbV3fnAqBv5rmxSqjWrO?usp=drive_link
филиал фондатыттан ылылыннылар
23.8.2023 сыл
#ВСОихнебросаем
#кыайыытуһугар
